Ipar Eskiko Eskola Kanpaina Erronkari eta Zaraitzuko Ibarretan eginen da.
Partehartzaileak eta iraupena
Lehen Hezkuntzako 6. maila
Bigarren Hezkuntzako 1. eta 2. maila
Funtzio dibertsitatea duten pertsonak
- Ikaslego berak ezin izanen du Ipar Eskiko Eskola Kanpainan eta Eskolako Bela Kanpainan parte hartu. Bai, ordea, ikastetxe bereko ikasmaila edo hizkuntz eredu desberdinetako ikasleek. (Adb. “A” ikastetxeko LH 6. mailak Bela Kanpainan parte hartzen du eta “A” ikastetxeko DBH 1. mailak Eski Kanpainan parte hartzen du. – Adb. “A” ikastetxeko D ereduko LH 6. mailak Bela Kanpainan parte hartzen du eta “A” ikastetxeko AG-PAI ereduko LH 6. mailak Eski Kanpainan parte hartzen du.)
- Hezkuntza Bereziko ikastetxeek partehartzea bermatua izanen dute. Desgaitasuna duten pertsonei edo egoera zaurgarrian dauden pertsonei arreta eskeintzen dieten gainerako zentroek zozketan parte hartuko dute eta, azken hauentzat, gehieneko partehartzaile kopurua zentroko 20 pertsonatakoa izanen da.
- Landa eskolen kasuan bi edo hiru urtetik behin gradu anitzeko unitateko ikasleen partehartzea onartuko da (4., 5. eta 6.). Gainerantzeko eskoletan, bi urtetik behin, lehen hezkuntzako hirugarren zikloko ikasleekin (5. eta 6. maila) parte hartzea onartuko da, baldin eta ikasle kopurua 50 edo txikiagoa bada.
Iraupena: 5 egun
(ASTELEHEN GOIZETIK OSTIRAL ARRATSALDE ARTE).
Oharrak: Oro har ikastetxe bakoitzak gehienez 120 plaza izanen du.
Antolatzaileek jarrera desegokia duten parte-hartzaileak kanporatu ahalko dituzte, IPAR ESKIKO ESKOLA KANPAINAKO BIZIKIDETZA ARAUDIAN jasotzen den legez.
