Esleipen modua

Antolakuntza beti saiatuko da eskainitako plaza gehiengoa betetzen. Txanda guztiak bete behar dira derrigorrez, eta txanda batzuetan parte hartu ezina azaldu.
Plazen esleipenerako kontuan hartuko da:

1. Plazen esleipena aurreinskripzioan zehaztutako epeen barruan aurkeztutako eskaera guztien artean zozketa eginez erabakiko da. 
2. Ahal den guztietan lehentasuna emanen zaio ikastetxe bakoitzak hautatutako herriari eta hautatutako hiru lehen txandei. Posible ez den kasuetan asteak egokituko dira hautatutako aukerak amaitu arte. 
3. Aurreinskripzioen kopuruak eskeinitako plazen kopurua gaindituko balu edo aurrekontu nahikorik ez balego, antolakuntzak zenbait ikastetxeri ezezkoa emateko eskubidea izango du. Kasu honetan ZOZKETA eginen da. Kanpoan gelditzen diren ikastetxeak itxaron zerrendan geldituko dira bajaren bat egonen balitz haien lekua bete ahal izateko.
4. Kanpoan gelditzen diren ikastetxeek hurrengo urtetan lehentasuna izango dute.
5. 2023 urteko Kanpainan COVID-19 -aren ondorioz bertan behera geratutako 2022 Kanpainako txandetan parte hartu gabe gelditutako ikastetxeek lehentasuna izanen dute.

Zozketa egin ondoren, antolatzaileek emaitza mail bidez jakinaraziko die ikastetxeei.
Plazak esleitu ondoren, zilegi izanen da antolatzaileek, behin-betiko inskripzioak aztertu ondoren, beharrezkoak diren aldaketak egitea. Aldaketa horien berri, halakorik suertatuz gero, dagokien ikastetxeei emango zaie.

Parte-hartzaileren batek, arrazoi justifikatu batengatik, parte hartu ezingo balu, ikastetxeak arrazoi hauen berri eman beharko dio kanpainako zuzendaritzari, izen-emate kuota berreskuratzeko eskubidea izateko. Erreserba moduan finkatuko diren 20 € ez dira itzuliko. Izen-ematearen ondoren eta parte hartu aurretik bajaldiren bat baldin badago ikastetxeak ikasleari egokitutako disziplinazko espediente batengatik, eta kanpainako zuzendaritza jakinaren gainean jarri ondoren, ikasle horri osotasunaren %50a itzuliko zaio.

COVID-19 -aren ondorioz txandaren bat bertan behera geratuko balitz, txanda horretako partehartzaileei ordaindutako guztia itzuliko litzaieke.