Esleipen modua

Antolakuntza beti saiatuko da eskainitako plaza gehiengoa betetzen. Txanda guztiak bete behar dira derrigorrez, eta txanda batzuetan parte hartu ezina azaldu.
Plazen esleipenerako kontuan hartuko da:

1. Plazen esleipena aurreinskripzioan zehaztutako epeen barruan aurkeztutako eskaera guztien artean ZOZKETA eginez erabakiko da.  Aurreinskripzioen kopuruak eskeinitako plazen kopurua gaindituko balu edo aurrekontu nahikorik ez balego, antolakuntzak zenbait ikastetxeri ezezkoa emateko eskubidea izango du.
2. Kanpoan gelditzen diren ikastetxeak itxaron zerrendan geldituko dira bajaren bat egonen balitz haien lekua bete ahal izateko. Hezkuntza behar bereziak dituzten ikasle-kopuru gehien duten ikastetxeek, kaltetutako egoera ekonomikoan dauden ikasle-portzentaia gehien duten ikastetxeek, eta muturreko, garrantzitsuko edo arrisku handiko despopulazio egoeran dauden udalerrietako ikastetxeek itxaron-zerrendan lehentasuna izanen dute (*). Itxaron zerrendan lehentasun orden bat zehazteko baldintza hauek betetzen dituzten ikastetxeen artean zozketa bat eginen da.

   (*) Hezkuntza Departamentuak jasotako estatistika.datuetan oinarritutako kaltetutako egoera ekonomikoan dagoen ikaslegoa duen ikastetxea (%). Toki-Administrazioa eta Despopulazioa Departamentuko Zuzendaritza Orokorrak egindako, eta 2022ko otsailan eguneratutako "Nafarroako despopulazio arriskuan dauden Zonaldeen Mapa. Despopulazioaren zonifikazioa eta kategorizazioa udalerrika", lanean oinarritutako muturreko, garrantzitsuko edo arrisku handiko despopulazio egoeran dauden udalerrietako ikastetxeak.

3. Kanpoan gelditzen diren ikastetxeek hurrengo urtetan lehentasuna izango dute.
4. ZOZKETA URRIAREN 6AN eginen da eta, egin ondoren, antolatzaileek emaitza mail bidez jakinaraziko die ikastetxeei. Plazak esleitu ondoren, zilegi izanen da antolatzaileek, behin-betiko inskripzioak aztertu ondoren, beharrezkoak diren aldaketak egitea. Aldaketa horien berri, halakorik suertatuz gero, dagokien ikastetxeei emango zaie.
5. Esleitutako plazei uko egin nahi izanez gero, 2027eko urriaren 16a baino lehen egin beharko litzateke eta, hurrengo urteetan lehentasuna izateko eskubidea galduko litzateke. Esleitutako plazei uko egitea data honen ondoren eginez gero, ondoko zigorrak ezarriko dira:

• Urriaren 31 eta azaroaren 30 bitarte: ikastetxeak aurreinskripzioa egin duten partehartzaile guztien plaza erreserbako 20€ak ordaindu beharko ditu.
• Abenduaren 1etik aurrera: ikastetxeak izena eman duten partehartzaile guztien kuotaren erdia ordaindu beharko du. Diru honekin antolakuntzatik konpromezuan hartutako gastuak ordainduko dira (ostatua, begiraleak, ...).

6. DIRU-ITZULERAK:

• BAJALDI JUSTIFIKATUAK: Behin izen-ematea eginda parte-hartzaileren batek, arrazoi justifikatu batengatik, parte hartu ezingo balu, ikastetxeak arrazoi hauen berri eman beharko dio kanpainako zuzendaritzari, parte-hartzaile horrek izen-emate kuota berreskuratzeko eskubidea izateko. PLAZA ERRESERBA moduan finkatuko diren 20 € ez dira itzuliko, kaltetutako egoera gizaekonomikoan dagoen ikasle baten kasuan salbu.
• DISZIPLINAZKO ESPEDIENTE BATEN ONDORIOZ EMANDAKO BAJALDIAK: ikastetxeak ikasleari egokitutako disziplinazko espediente batengatik bajaldiren bate egotekotan, 5 partehartzaile edo gutxiago badira, izen-ematean ordaindutako kopuruaren %50a berreskuratu ahal izateko, partehartze data baino 30 egutegi-egun lehenago jakinarazi behar da. Bajaldien kopurua 5 baino gehiagokoa bada, izen-ematean ordaindutako kopuruaren %50a berreskuratzeko, bajaldi hauek partehartze-data baino 60 egutegi-egun lehenago jakinarazi behar dira. Epe hauek betetzen ez badira, ez da diru-itzulerarik eginen.